BETA Straumsnes
Arbeidsro og fellesskap i det gamle grendahuset
Arbeider du heime og saknar eit fellesskap?
Kom til HØBB BETA Straumsnes! Her har vi omskapt loftet på Øydegard grendahus til eit koseleg coworking space - eller kontorfellesskap, som vi likar å seia.
Anten du bur i Tingvoll kommune, er på hytta eller på besøk, er du hjarteleg velkommen til å bruka våre fasilitetar for å få jobben gjort - og kanskje knyta både gode og nyttige kontaktar. Lokalet har separate arbeidsplassar og eit fellesbord for inspirerande prat i pausane, tilgang på skrivar og nett. I etasjen under er det kjøkken og rom til å ta telefonar ved behov. Fjordsenteret med kafé, matbutikk og andre inspirerande verksemder ligg rett i nærleiken, over brua. Skulle du få behov for å lufta deg eller ta eit gåande møte, ligg skogsvegen rett utanfor.
Velkommen til å ta kontakt!